فتاة المطار: "حاسة إن حقي رجع بعد حبس المتحرش"

كتب- محمد خميس:

علقت بسمة بشاي، على تصديها لواقعة تحرش في المطار وحبس المتحرش لمدة 4 أيام على ذمة التحقيقات، قائلة: "بسمة النهاردة عندها أحاسيس متلغبطة وحاسة بانتصار مش طبيعي وإن الدولة في ضهري وإن اتاخد حقي فعلًا، وحق البنات اللي بعدي بيها".

وأضافت "بسمة" في حوارها لبرنامج "يحدث في مصر" على فضائية "إم بي سي مصر" اليوم الأربعاء: "أن واقعة التحرش في المطار جعلتني في حالة انهيار، وقلت لكل اللي كان في الأوضة محدش شاف الراجل، وهو بيمد أيده عليا، والكل كان بيدعوني إني أهدأ، وبيقولولي إن مفيش سبب للانفعال؛ لأن المتحرش مصورنيش أنا".

وتابعت: "بعد ما عملت الفيديو حسيت إني منهارة؛ لأني حسيت إني مظلومة جدًا، وجالي شخص محترم وطالبني بالرجوع لبيتي وقالي إن المتحرش هيترفد أنتِ عايزة إيه تاني؟، ولكنني قلت له إني مش ماشية إلا لما المتحرش يتكلبش؛ لأنه مش طبيعي، وأنا كنت محتاجة أحس بأمل من النظام إداريًا وعلى المستوى القانوني".

وأردفت بسمة بشاي مصورة فيديو المطار: روحت أدليت بأقوالي في النيابة من 9 الصبح وحتى 7 مساءً".