السيسي يفي بوعد والد فريال أشرف بطلة الذهب.. واللاعبة: دايما في ظهرنا ياريس

كتب- محمد جمعة:

فاجأ الرئيس عبد الفتاح السيسي، اللاعبة فريال أشرف ووالديها، بمداخلة هاتفية معهم خلال استضافتهم في ستديو برنامج "التاسعة" المذاع على التليفزيون المصري الذي يقدمه الإعلامي يوسف الحسيني.

وقال السيسي: "أبلغ تحياتي للأسرة الكريمة، وأنا متابع الحديث والكلام الجميل لأسرة مصرية بسيطة، أدخلتم علينا سعادة وفرحة، وعلى كل الناس، وأنا بشكركم وبشكر جهدكم، ولو سمحتولي أقول بنتي، هي حاجة تشرف وتفرح، مش على مستوى المصريين بس، ولكن على مستوى المنطقة العربية كلها".

ووجه السيسي حديثه لفريال، قائلًا: "اللعب ده والمستوى ده والميدالية حديث الناس كلها، وألف مبروك، واستأذنك في إن ماما وبابا يحجوا ولو إنتي معاهم يبقى أجمل من كدة مفيش.. وكمان الحاجة اللي وعدك بابا بيها، وإنتي مقلتيش عليها أنا أجبهالك".

وتابع السيسي: "وأنا بشوف افتتاحات المرحلة المقبلة، طلبت وضع أسماء أبناءنا وعلى رأسهم فريال على أحد المحاور والكباري اللي هنتتحها قريبًا، ده شرف لينا نعمل كدة".

واستطرد الرئيس: "الكاراتيه من أحلى وأحب الألعاب بالنسبالي شخصيًا، ولعبتها من سنة 1970 ومهتم بيها جدًا واتمنى لما ترجعي بالسلامة يكون في اهتمام أكبر من جانبنا وفي النوادي.. يا فريال شرفتينا ورفعتي راسنا كلنا، ترجعي بالسلامة انتي وزملائك".

وحصلت اللاعبة المصرية على الميدالية الذهبية في لعبة الكاراتيه في أولمبياد طوكيو 2020، وهي الذهبية الوحيدة للبعثة المصرية إلى جانب ميدالية فضية و4 ميداليات برونزية.