السيسي يسأل أهل الشرائع: خايفين تتصدوا للقضايا المعاصرة ليه؟.. ثوابت الدين لن تتغير
01:12 ص
الخميس 16 سبتمبر 2021
كتب- محمد جمعة:
قال الرئيس عبد الفتاح السيسي، إن ثوابت الدين لن تتغير ولكن يجب فهم التطور الإنساني والتعامل مع القضايا المعاصرة.
وأضاف السيسي، خلال مداخلة هاتفية أجراها مع الإعلامي يوسف الحسيني، ببرنامج "التاسعة" المذاع على التلفزيون المصري، مساء الأربعاء: "اللي عمل الدين ربنا، واللي عمل الوجود بتطوره ده ربنا.. هل تفتكروا ربنا هينزل دين يصطدم مع التطور الحضاري.. لو حصل ده يبقى بنسيء للخالق العظيم، ربنا عمل الدين وقابل إنها يتشكل ويتطور"
وتابع الرئيس: "لا نتكلم في عقائد، فالشهادة والصلاة والصيام وثوابت الدين مش هتتغير، ولا يمكن حد يتناقش فيها، ولكن فهمك للتحضر مع وضعك الإنساني جيل بعد جيل، يعمل معالجة وفهم لأمورك الإنسانية في إطار التطور الإنساني اللي حصل عشان متصدمش".
واستطرد السيسي: "الأوائل تصدوا لهذا الموضوع وتحركوا فيه عشان يناقشوا قضايا عصرهم، واستخدموا الفقه لحل مسائل عصرهم، لكن إحنا للأسف مقدرناش نعمل كدة وجبنا ثقافة موجوة من 500 و1000 و1200 سنة يمكن، وخدناها وبنتعامل بيها مع قضايا دلوقتي.. إحنا كدة بنظلم الدين والفهم وحكمة ربنا"
وتابع: "ربنا عمل الدين للمسلم والمسيحي وكل الأديان وعمل الحضارة بتاعة، وإحنا متصورين إحنا اللي عملناه، ربنا عارف بعلمه الأزلي الإنسان هيعمل إيه جيل بعد جيل بعد جيل".
وأضاف: "أهل الشرائع والعلماء خايفين من إيه، الدين مش هيضيع أبدًا، ربنا له رسل وكتب حافظها إلى يوم القيامة، لو مخفناش وتصدينا لهذه القضايا، فلو أصبنا لنا أجرين ولو أخطأنا لنا أجر واحد، يا ترى علماء الدين مستعدين لكدة؟".
فيديو قد يعجبك:
