"أنا بتاع المنتخب".. مصطفى الفقي ردًا على سؤاله "أهلاوي أم زملكاوي"

كتب- محمد أبوالمجد:

رد الدكتور مصطفى الفقي، الكاتب والمفكر، ورئيس مكتبة الإسكندرية، على سؤال الإعلامي شريف عامر، عن كونه "أهلاوي أم زملكاوي"، قائلًا: "أنا بتاع مصر بتاع المنتخب".

وأضاف "الفقي" في حواره لبرنامج "يحدث في مصر" على فضائية "إم بي سي مصر" اليوم الثلاثاء: "معلوماتي بالكورة أنها حاجة مدورة نقطة"، موضحًا : "طول عمري ينزلي مقالات في الصحف الناس تقراها وتعلق، ومرة نزلي حديث في صفحة الرياضة عملوا معايا الكاتب ياسر أيوب عن الرياضة في عصر مبارك وازاي كان بيلعب كورة".

وتابع: "يا خرابي على ردود الفعل اللي شوفتها بعد الحوار دا، وعشان كده عذرتك أنك أخرتني عشان الرياضة"، موضحًا: "المفروض المدير الفني لمنتخب مصر يبقى مصري ليه أجنبي هي كيمياء، المصري هيبقى عارف نقط الضعف ومش محتاج مترجم وهيبقى متعايش مع اللاعيبة".

وأكد: "في واحد وصلنا لكأس العالم وهو الكابتن محمود الجوهري الله يرحمه، وبطرس غالي قالي لو بتدوروا على وضع سياسي كويس أعملوا الجوهري وزير للشباب والرياضة الناس هتنبسط منكم".