الحديدي عن بيع قصر الأمير يوسف في مزاد علني : "اللي معندوش تاريخ بقى يشتريه"

كتب – معتز عباس:

علقت الاعلامية لميس الحديدي على الجدل المثار حول المزاد المُعلن عن بيع قصر وحديقة الأمير يوسف كمال في منطقة المريس بأرمنت بمحافظة الأقصر يوم 31 يناير المقبل، حيث إن المزاد سيقام في القاهرة.

وقالت "الحديدي"، في برنامج "كلمة أخيرة"، المذاع عبر فضائية "أون إي"، اليوم الثلاثاء، قائلة: "الناس والعالم كله بيدور على تاريخ وإحنا مش عارفين نعمل إيه في التاريخ والآثار بتاعتنا.. قصر المريس بأرمنت معروض للبيع في مزاد علني".

وأضافت: "مش عارفة هنبيع القصر ده نعمل بيه إيه ؟!، هنبيعه مثلاً ونبني مكانه عمارة ؟!، ولا هنبيعه نعمل بداله إيه؟!، وكفاية اللي حصل لقصر أندراوس والحزن اللي حصل لأهالي الأقصر".

وتابعت: "بنتكلم في قصر تاني هيبتاع ومش فاهمين هنبيعه ولا نأجره ولاهنعمله أكشاك؟!، اللي معندوش تاريخ بيشتري تاريخ وإحنا عندنا التاريخ وبنعرضه في المزاد!.. قصة غريبة جدًا".

وأثار مزاد أعلن عنه لبيع قصر وحديقة الأمير يوسف كمال في منطقة المريس بأرمنت بمحافظة الأقصر يوم 31 يناير المقبل، جدلا بين محبي الآثار والتراث، حيث إن المزاد سيقام في القاهرة.