"بناشد الرئيس يجيب حق بنتي".. والدة فتاة الغربية: "الدنيا كانت بتحكي ببسنت"

كتب- محمد أبوالمجد:

قالت السيدة هناء، والدة بسنت خالد ضحية الصور المفبركة، إنه القبض على المتهمين المتسببين في قضية ابتزاز ابنتها، مضيفة: "بنتي مشتكتش لأي حد لأني كان عندي جلطة من أسبوع ومكنتش عايزه تزعلني او تحكيلي أي حاجه ومعرفناش أي حاجة إلا يوم الحادثة".

وأضافت "هناء" في حواره لبرنامج "يحدث في مصر" على فضائية "إم بي سي مصر" اليوم الأربعاء: "ياريت بنتي كانت حكت لي على الموضوع كنت هتفهم وهاخد لها حقها"، موضحة: "أنا ست لكني بمليون راجل وكنت هعرف أخد حقها ازاي".

وتابعت: "بسنت كانت شخصيتها قوية وحنينه وشاطرة في التعليم وحافظة القرآن الكريم وكان نفسها تبقى زي مجدي يعقوب وتعمل عيادات ببلاش، ومكنش عندها مشاكل، والدنيا كانت بتحكي بيها ومشيها في حالها من الدرس للبيت بس".

وأردفت: "بنتي في أيامها الأخيرة مكنش باين عليها أي حاجه ومفيش حاجة اتغيرت عليها خالص"، مؤكدة: المتهمين الاتنين من البلد، واحد منهم من سنها كان بياخد معاها درس ونعرف شكله والتاني أكبر منها بسنتين، ومنعرفش شكله الا لما اتقبض عليه".

وأكملت: "ادعولي بالصبر وهاتولي حق بسنت عايزه نناشد رئيس الجمهورية يجيب لي حق بنتي".