سيد علي ينتقد الهجوم على معلمة الدقهلية

اكتب- حسن مرسي:

انتقد الإعلامي سيد علي، الهجوم التي تعرضت له آية يوسف معلمة الدقهلية بعد قيامها بالرقص في أحد الرحلات النيلية وتم نشر فيديو لها عبر مواقع التواصل الاجتماعي كان السبب في طلاقها من زوجها وفصلها من عملها.

وقال سيد علي خلال تقديم برنامجه "حضرة المواطن" المذاع على فضائية “الحدث اليوم” اليوم السبت: "ايه الفرق بين الشخصين اللي تسببوا في انتحار بسنت خالد وبين اللي هاجموا الست التي رقصت".

وأضاف: "الست اطلقت واترفدت وأسرتها ادمرت واحتمال الست تنتحر وحصل معاها زي الوالدين اللي ابتزوا بسنت خالد ودول لا يقل بشاعة عن الشخصين اللي تسببوا في انتحار بسنت".

وتابع: "من امتى الواحد بقينا مجتمع سلفي جدًا. أنا دخلت جامعة القاهرة في منتصف السبعينات كانوا بيلبسوا قط وعمرنا ما فكرنا ايه اللي بيحصل في مصر". واستطرد: "فيه حاجة غريبة احنا بقينا مجتمع سلفي. هل اللي نشروا الفيديو ضميرهم مستريح كلنا بيرقص بشكل أو بآخر كلنا بنرقص يا عزيزي".

وأردف: "من فضلكم إحنا ليه مهتمين بغيرنا ليه كل واحد يصلح أخطاؤه ويسأل نفسه هل يتقى الله في عمله أو في بيته وبلاش نروح ننصح الآخرين كبر مقتًا أن تقول ما لا تفعلون".