والدة شيرين عبد الوهاب: حسام حبيب علم بنتي الشرب والإدمان

كتب- حسن مرسي:

قالت كريمة أبو زيد، والدة الفنانة شيرين عبد الوهاب، إن طليق ابنتها حسام حبيب هو السبب في إدمانها للمخدرات، مضيفة: ان بنتي بقالها 3 أيام بتشرب مخدرات مع حسام حبيب وطردتني أنا واختها من البيت، وأنا اللي اترجيت ابني عشان يدخلها المستشفى عشان مش مآمنة عليها من حسام حبيب.

وأضافت والدة الفنانة شيرين عبد الوهاب في مداخلة هاتفية مع الإعلامي عمرو أديب، ببرنامج "الحكاية"، مساء الأحد: "لو كنا سبت بنتي لحسام حبيب كان ممكن يموتها، حسام حبيب علم بنتي الشرب والإدمان، ورجع عشان يضحك عليها، بنتي كانت كويسة والواد دا رجع عشان يقلب حالها.

واتهمت والدة شيرين حسام حبيب وسارة الطباخ بمساعدتها على تعاطي المخدرات "بيشربوها مخدرات فى شقة فى التجمع"، وطالبت بحماية ابنتها من حسام حبيب "راجع بخطة عشان يضحك عليها، حسام بيشجعها على تعاطي المخدرات".

وطالبت والدة الفنانة شيرين عبد الوهاب، بحماية ابنتها من حسام حبيب، متابعة: استنجد بالرئيس السيسي بإنقاذ ابنتي من طليقها حسام حبيب.