السيسي: مسار تكرار تجربة مصر القاسية بيخوفني.. لو حصل حاجة مش هيقعد فيها غير الغلبان

كتب- محمد جمعة:

قال الرئيس عبد الفتاح السيسي، إن التجربة التي مرت بها مصر في عامي 2011 و2013 كانت قاسية ولا يرغب أحد في تكرارها مرة أخرى، متابعًا: "المسار ده دون بيخوفني على بلدي".

وأضاف السيسي خلال مداخلة هاتفية مع برنامج "التاسعة" المذاع على التلفزيون المصري، مساء الثلاثاء: "أنا أقدر الموقف وبقول يا جماعة المسار ده بيخوفني.. أكثر حاجة أخاف عليها بلدي و100 مليون مواطن أنا مسؤول عنهم، وليس خوف شخصي على نفسي".

وتابع الرئيس: "المشكلة إن البلد وظروفها في حتة، وكلام الآخرين في حتة تانية.. وساعة ما تحصل حاجة في البلد الناس هتسبها وتمشي، ومش هيفضل فيها غير الغلبان".

وعن البداية بالقضاء على العشوائيات، قال السيسي: "دول أهلنا الغلابة اللي ماحدش طبطب عليهم.. الغلبان مش كفاية غلبه نطبطب عليه حتى بالكلمة الطيبة ونعملهم حياة جديدة، ولو أقدر أعمل كده لكل الناس هعمل".

واستطرد السيسي: "ماحدش يعرف أنا بعمل إيه غير ربنا، هو اللي بيساعدني، وأنا دايمًا شاكر ليه وبطلب الدعم والمدد لأجل خاطر الغلابة يجبر بخاطري".