عمرو أديب: "التجاروالمحتكرين بيرفعوا الأسعار وبيخربوا السوق اللي بيحصل ده افتراء"

كتب – معتز عباس:

عقب الإعلامي عمرو أديب، على قرار البنك المركزي بتحديد سعر صرف الجنيه مقابل الدولار ووصل السعر 23 جنيه، قائلًا: " اتكلمنا قبل كدا عن سعر الدولار هيكون بكام من شهرين تلاتة، والتجار في مصر كانوا بيتعاملوا مع بعض إن سعر الدولار 23 جنيه في الوقت كان الدولار في البنوك 19 جنيه، وفي ناس زعلت بس دا كان الواقع وبيقولوا ده السعر العادل، دلوقتي الدولة قررت تحرير سعر الدولار ويبقى للعرض والطلب وصل في النهاية لـ23 جنيه".

وتساءل أديب، خلال برنامجه "الحكاية"، عبر فضائية "mbc مصر"، اليوم الجمعة، قائلًا: "ايه اللي اتغير دلوقتي عشان التجار تقوم برفع الأسعار؟، أنتم ليه رفعتوا الأسعار تاني؟".

وأكد أن ما يحدث من قبل بعض التجار في السوق هو عبارة عن جشع، مضيفًا: "التجار والمحتكرين بيخربوا السوق ومحدش هيتشري حاجة ومحدش هيقرب من حاجة لو استمرينا في الجري وراء الدولار.. طب سؤال للتجار بترفعوا الاسعار ليه؟!، تحس إن الناس ابتدات متقربش او عشان اكون صادق بتقلل الكميات".

وأوضح أن الدولة قررت تواجه التحديات وارتفاع التضخم بدواء مُر، متابعًا: "اللي حصل ميفرحش حد.. لكن في بعض القطاعات هتفرح زي المصريين في الخارج، أو المصدرين مبسوطين وسعداء أو قناة السويس، أو العاملين في البورصة".

وتابع: "اللي بيحصل من التجار ورفع الأسعار هو افتراء.. الناس بتوع التجار معندهمش اتقي الله وهنقعد نجري كلنا وراء الدولار وكلنا هنتبهدهل سواء تاجر ومستثمرومصنع، اي حد مش هيلتزم في الفترة القادمة بالسعر الحقيقي للدولار وهيبتدي يضارب ويتشغل اقتصاد حرب،محدش هيشتري منه".