عمرو أديب: "النهاردة كان يوم أفريقي بامتياز ولمسات لاعبي البرازيل مش إنسانية"

كتب – معتز عباس"

أعرب الإعلامي عمرو أديب عن سعادته بتحقيق منتخب البرازيل الفوز الثاني له على سويسرا وضمان التأهل لدور الـ16 ضمن منافسات كأس العالم قطر 2022.

وقال "أديب"، في برنامج "الحكاية"، المذاع عبر فضائية "ام بي سي مصر"، اليوم الإثنين، إنه تعاطف مع كوريا الجنوبية أثناء مواجهة منتخب غانا، مضيفًا: "احنا بنشوف حاجات مذهلة في كأس العالم ولو عايز تسمية يبقى لازم يتسمى كأس الروس، في روح عالية من المنتخبات المشاركة وانتحارية وانتقام وهجوم وكل الفرق ملهاش كبير، مفيش ماتش تقدر تقول أنه محسوم، والنهاردة كان يوم افريقي بامتياز".

وأضاف: "الأداء في المباريات النهاردة كان راقي ومحترم وحاجة تشرف والكريزة اللي لازم تتحط فوق التورتة هو الجون بتاع كاسيميرو لاعب البرازيل، عايز أقول إن لمسات لاعبي البرازيل في البطولة مش إنسانية وفيها مس من الجن لا يمكن تتخيله، الحارس وقف يتفرج على سر الجاذبية الأرضية أثناء هدف البرازيل".