أمين الفتوى: "اللي بياكل ميراث أخته ده ظلم وحرام"
كتب - معتز عباس:
قال خالد عمران، أمين الفتوى بدار الإفتاء، إن ميراث الفتاة أو ما يسمى ختان الإناث، جميعها قضايا اجتماعيه، نتيجة لبعض الممارسات العائلية.
وأضاف "عمران"، في لقائه ببرنامج "كلمة أخيرة"، المذاع عبر فضائية "أون إي"، مساء الأحد، قائلًا: "اللي بياكل ميراث أخته ده ظلم واضح ومش بيجي لينا يسألنا عشان يقولنا أنه واكل ميراث أخته".
وأكمل: "الشخص اللي من النوع دا بيجي عشان يدور على حجه أنه واكل ميراث أخته وأنه شايل الميراث لأبنائها، أو مش عايز الأرض تروح لحد غريب، أو بيدي أخته فلوس أخر السنة"، متابعًا: "هو مش عايز يقول أنه واكل ميراث، لأ هو أكل ميراث وحرام عليه، وأخته من يوم وفاة والدها لها أن تتصرف في ميراثها كيفما تشاء طالما تملكت".
أمين الفتوى: اللي بياكل ميراث أخته ده ظلم واضح ومش بيجيلينا، لكن البعض بيكون عايز حجة عشان ياكل ميراثها#كلمة_أخيرة #ON@lameesh pic.twitter.com/hoyIvEfUoB
— كلمة أخيرة مع لميس الحديدي (@KelmaAkhira) December 25, 2022
فيديو قد يعجبك:
