"شغالين الله ينور".. عمرو أديب: "بحقد على صُناع الرصاص ونفسي أشتغل في المجال دا"

كتب- محمد أبوالمجد:

قال الإعلامي عمرو أديب، إن العالم يشهد حروب مختلفة يستخدم فيها أنواع مختلفة من السلاح، مشيرًا إلى أن العالم يتابع الهجمات الإرهابية الحوثية، قائلًا: "كلنا عايزين نعرف ايه السلاح المستخدم وصناعته ايه وهو السلاح الإيراني عايزين نعرف التكنولوجيا؟!".

وأضاف "أديب" في خلال تقديمه لبرنامجه "الحكاية" على فضائية "إم بي سي مصر"، اليوم السبت، أن الحرب الروسية الأوكرانية بدأنا نرى صواريخ أسرع من الصوت، موضحًا: "في إشاعة بتقول إن الروس هيخلصوا الحرب يوم 9 مايو".

وتابع: "الحاجة اللي بقعد أفكر فيها أنا كعمرو أديب، مش بفكر في المصانع اللي بتعمل دبابات ولا طيارات، لكني بحقد على مصنعي الرصاص بشكل كبير، تلقى كل الحروب حولنا الشخص ماسك السلاح وعمال يضرب، مش مهم يصيب حد أو لا"، مضيفًا: "الطيارة لما تطلع لازم تصيب والدبابة كذلك إلا الرصاص، نفسي أشتغل في الموضوع دا".

وأردف: "الأمريكان قرروا يبعتوا لأوكرانيا 20 مليون طلقة، عارفين المصنع اللي صنع الرصاص دا حياته بقت عاملة ازاي، سواء نص بوصة أو ربع بوصة، شغل كبير، الناس بتاعت الرصاص دا شغالين الله ينور".