"شكوتي مرة".. وزير النقل عن تخريب عربات السكك الحديد: "بشوف مصائب"

كتب- محمد أبوالمجد:

علق الفريق كامل الوزير، وزير النقل، على مشاهد تخريب عربات قطارات السكك الحديدية، قائلاً: " بشتكي شكوى مرة لأننا بنشوف مشاهد غريبة ومصائب أكثر من تقطيع كراسي القطار على خطوط السكك الحديدية".

وقال "الوزير" في مداخلة هاتفية لبرنامج "على مسئوليتي" على فضائية "صدى البلد" اليوم الأحد: "بنشوف مصائب منها عربات "كارو" محملة برسيم تسير وقف قدوم القطار، وتروسيكلات، وسيارات مرسيدس"، موضحًا: "بالرغم من كده عندنا عمال وسائقين مصحصحين ودا ساعد على ارتفاع عامل السلامة والأمانة".

وتابع: "كنت في جولة داخل أحد القطارات منذ ساعات، ولقيت الشبابيك مكسرة والزجاج مكسر، العيال بيحدفوا القطار بالطوب"، ده قطار مصر يا جماعة.. ده ينفع يعني؟.. ليه نحدف القطار بالطوب؟، مضيفًا: "القطر مش بتاعي ولا بتاع السكة الحديد دا بتاع مصر، ولو الكمسري جه يحوش راكب من اللي بيقطعوا الكراسي، محدش بيقف مع الكمسري وبيصوروه على أنه مفتري مع أنه بيحافظ على حاجتكم".