مصطفى بكري: "اللي شفته من جماهير السنغال مش ظريف خالص".. فيديو
كتب- معتز عباس:
قال الإعلامي مصطفى بكري، إن ما حدث في مباراة مصر والسنغال أمر غير معقول ولا يمكن أن يتعامل شعب نكن له الاحترام بهذا الأسلوب.
وأضاف "بكري"، خلال تقديم برنامج "حقائق وأسرار"، المذاع على قناة "صدى البلد"، اليوم الخميس، قائلًا: "اللي انا شوفته في الماتش غير معقول ولا يمكن أن تصور بلد شعبه يتعامل معانا بهذا الشكل من اعتداء على اللاعبين واللي انا شوفته شيء مش ظريف خالص"، متابعًا: "لكن اللي حز في نفسي الحملات ضد فريقنا ومنتخبنا ومحمد صلاح، في أيه يا جماعة بسرعة أنتوا مرضى، يعني في يوم نطلع السماء بالواحد وننزل بيه الأرض تاني".
وأكمل: "ليه نحبط الناس ونخليهم يتوجعوا ويشوفوا معاملة الخارج أفضل من معاملة بلادهم، والله اللي يتسبب في إهانة شخص المفروض يحاسب".
وتابع: "عشان خسرنا ماتش يحصل كدا، قولوا لي مشاعر صلاح عاملة إزاي دلوقتي، مش هنغتال كل شخصية حلوة في حياتنا، زي العيال بتوع يناير، إحنا لازم نتكاتف جميعا، وحتى لو خسرنا جولة مبنخسرش معركة".
فيديو قد يعجبك:
