أحد ضحايا مستريح أسوان: "مصطفى البنك غلبان ومؤدب وبتاع ربنا"

كتب – معتز عباس:

دافع عادل أحد ضحايا مصطفى البنك، الشهير بـ مستريح أسوان، والمتهم بالنصب في حوالي نصف مليار جنيه.

وقال "عادل" في مداخلة هاتفية لبرنامج "الحياة اليوم"، المذاع عبر فضائية "الحياة"، اليوم الإثنين، إن مصطفى البنك من قبيلة تدعى "العبادلة" وكان يمارس تلك الأعمال منذ أشهر ماضية، متابعًا: "كان بياخد البهيمة بمبلغ 10 آلاف جنيه ويقول لصاحبها ليك بعد 21 يوم 25 ألف جنيه".

وأضاف، قائلًا: "هو شغال بقاله 5 شهور وفعلا اعطى للناس فلوسهم، واحنا كنا بنعدي بالمواشي قدام المرور ومحدش قالنا رايحين فين وجايين منين، والأمر كان على عينك يا تاجر، ورئيس الوحدة المحلية شايف كل دا".

وأكد، قائلًا: "مصطفى البنك مش راجل باطل هو حقاني وراجل بتاع ربنا وأشهد معاه انه بتاع ربنا، وغلبان ومؤدب وبيضحك عليه لكن المشكلة أن اللي شغالين معاه بياخدوا المواشي بسعر بيضعوا ليها بسعر أكبر، وحصيلة حوش المواشي 10 مليون جنيه، فاجأة بقى مطلوب يدفع 250 مليون".

وتابع: "ما حدث سوء إدارة من مصطفى البنك، أنا لو معايا شركة هديرها أحسن من كدا".