عمرو أديب محذرًا التجار: "أوعوا تقربوا للأسعار.. البضاعة هتعفن ومحدش هيقرب منها"

كتب – معتز عباس:

عقب الإعلامي عمرو أديب، على زيادة أسعار البنزين والسولار، ومدى تأثيره على تعريفة سيارات الأجرة، واستغلال بعض التجار الأمر لرفع أسعار البضائع.

وقال "أديب"، في برنامج "الحكاية"، المذاع عبر فضائية "ام بي سي مصر"، مساء الجمعة، "لازم نستحمل ونتصرف ونعدي، بقالنا 30 شهر مزودتش البنزين وزاد دلوقتي، يا جماعة لازم نستحمل ومفيش حلول".

وأضاف: "بعدين العبقري اللي مقرر التعريفة بكسور قروش، انتا بتقول للسواق خد أكتر، لأن هيا الأجرة مش بـ 1.10 هي هتكون بجنيه ونص أو تبقى ب 2 جنيه، ودي ليها حل خيالي بيكون بكارت دفع الكتروني".

وجه الإعلامي عمرو أديب، رسالة لبعض التجار الذين يحاولون استغلال ارتفاع أسعار السولار قائلًا: "هناك تاجر ينتظر فقط أن يشم ارتفاع أسعار النقل والبضاعة.. أنا عايز أقولك أوعوا تقربوا للأسعار تاني لأن البضاعة هتعفن ومحدش هيقرب منها تاني".

وأكمل: "بقول لبعض التجار اللي بيفكروا في زيادة الأسعار، الناس مش هتقرب من بضاعتتكم، وانتا هتقعد في البيت والعمال هيمشوا، وأوعا تفكر انك عايز تزود السعر عشان السولار زاد، الناس مش تشتري أو تقرب منكم".