مهندس مصري بأمازون: "ربنا بيدربك على تجربة صعبة عشان لما تعدي تبقى أقوى"

كتب - معتز عباس:

قال المهندس المصري عادل على شعبان، مهندس البرمجيات بشركة أمازون العالمية، الذي ولد بالشلل الدماغي و فقد زوجته و ابنته وأصيب بمرض السرطان، إنه يتذكر كل شيء مر به، و سعيد بما وصل له وحققه، من اجل نفسه، واسرته، متابعًا: "طول ما أنا عايش لازم أعافر".

وأضاف "شعبان" خلال لقائه مع الإعلامي أحمد فايق، مقدم برنامج "مصر تستطيع"، المذاع على قناة "دي إم سي"، مساء الخميس، أن المحنة تجعل الشخص أقوي، كاشفًا أصعب الموقف التي مر بها في حياته قائلًا: "التعب الجسدي على قد ما هو تعب شاق ومؤذي ومؤلم بس التعب النفسي أصعب بكتير من التعب الجسدي، وأصعب حاجة مريت بيها هي وفاة زوجتي ودي حاجة مكنتش متوقعة وفقدانها صعب للغاية، وفجأة يصحى من حلم جميل صعب أوي، والمرض صعب وكل حاجة بس كلنا بنعدي بيه".

وأكد أنه يتذكر كل شيء مر به، وسعيد بما وصل له وحققه، من أجل نفسه، وأسرته، لافتًا إلى أن فكرة أن يكون الإنسان مؤمن، بأن هناك نجاح سيحدث، حتى ولم يستطيع الإنسان أن يلمسه.

وتابع: "أنا متأكد إن مفيش حاجة في الدنيا ربنا بيعملها بتكون ضرر للإنسان، وأحيانا ربنا بيدربك على تجربة صعبة عشان لما تعدي منها تبقى أقوى وتقدر تكون مؤهل لحاجة أكبر وكفء ليها، دايمًا المحنة بتخلي الواحد يبقى أقوى وعنده قدره أنه يعافر أكتر".

وأتم: "في ناس كانت فاكرة أن عادل ده مش هيتعلم أصلًا، وأنه هيبقى مجرد بس عالة على أهله والناس..تحول في الآخر والحمد لله شغال في شركة كبيرة وبقى نموذج للآخرين في الكفاح والصبر، لازم الانسان يكون مؤمن بإن النجاح هيحصل في يوم من الأيام حتى لو مش شايفه أو مش قادر يلمسه".