"مش أي حد يقدر يكمل الاختبار دا".. مهندس يكشف "جدعنة" زوجته بعد إصابته بمرض السرطان
كتب – معتز عباس:
قال المهندس المصري عادل على شعبان، مهندس البرمجيات بشركة أمازون العالمية، إنه تزوج من دارين، في أكتوبر الماضي، ثم خضع لفحوصات طبية أثبتت إصابته بالسرطان، إلا أن زوجته ظلت تدعمه.
وأوضح "شعبان" خلال لقائه مع الإعلامي أحمد فايق، مقدم برنامج "مصر تستطيع"، المذاع على قناة "دي إم سي"، مساء الخميس، أنه في شهر سبتمبر الماضي تعرف زوجته من خلال صديقة، ثم تقدم لخطبتها، مضيفًا: "كنت نازل مصر وقتها كنت هتكرم في مؤتمر الشباب كان معمول عن الأهرامات، وبعد التكريم شعرت بألم في المرئ ومكنتش قادر ابلع بصعوبة".
وأكمل: "رحت للدكتور وعملت أشعة وعرفت ان عندي ورم سرطاني في أكتوبر العام الماضي، وبصراحة كنت عايز افسخ خطوبتي مع دارين، ولما قلت لها وقتها هي قعدت تعيط، لأن مش أي حد عنده قدرة يكمل الاختبار دا".
وكشف المهندس عادل شعبان، عن أسرار زوجة بدارين، قائلًا: "أنا كنت عايز اتجوزها من 5 سنين وفي الفترة دي كنت بدور على عروسة بعد وفاة سارة الله يرحمها، وهبة صحبتي رشحت ليا دارين وأني ارتبط بيها، لكن وقتها دارين مكنتش عايزة تتجوز خالص ورفضت والمشكلة أنا صدقتها".
وأكمل: "بعد كدا قولت طيب اعملها ليها ادد على الفيس بوك واحاول معاها في الكلام تاني وهي اتكلمت وردت عليا".
وقالت "دراين" زوجة المهندس عادل شعبان: "أنا أول مرة أشوفه كان في برنامج مصر تستطيع، وحسيت أن ربنا بيزوقني عليه.. والحمد لله ربنا بيوفق وهو كل الناس بتحبه، احلى حاجة فيه حنيته".
وأتم: "هولندا من الدول اللي فيها راحة وتنوع وحرية، يعني اي حد يعمل اللي عايزه طالما مش هيضايق حد".
فيديو قد يعجبك:
