والد طالبة المنوفية: "قلبي استريح بعد انتحار قاتل ابنتي وأقدر أخد العزاء"

كتب – معتز عباس:

علق عبد الكريم الجزار، والد أماني طالبة المنوفية المتوفاة، على فيديو انتحار قاتل ابنته قائلا: "قلبي استريح بعد انتحار القاتل، والنهاردة بعد تشييع الجنازة رفضت أخذ العزاء إلا بعد ما اتأكدت من وفاته، ودلوقتي أقدر اتقبل العزاء واقتصاص الله كان سريع جدا في اقل من 24 ساعة".

وكشف عبد الكريم الجزار، في أول مداخلة هاتفية لبرنامجد "حديث القاهرة"، المذاع عبر فضائية "القاهرة والناس"، مساء الأحد حول وجود صلة قرابة مع القاتل، رد قائلًا: "والداته تبقى بنت عمتي ولكن لا توجد علاقة بينهم، مفيش اختلاط بينا وبين بعض بس احنا ساكنين في شارع واحد بينا وبين بعض 200 متر، القاتل كان كلم والدة بنتي وقالها عايز اتقدم لأماني".

وأضاف: "والدة أماني رديت وقالتي ابنتي أماني في كلية تربية رياضية وانتا في دبلوم صنايع يعني المستوى العلمي والتعليمي مختلف ومينفعش، ووالدها مش بيفكر في جواز بناته إلا بعد ما يخلصوا تعليمهم وياخدوا شاهدتهم وبعدين يفكر في جوازهم، لكن جواز أثناء الدراسة مرفوض".

وأكمل: "والدتها قالت له أنتا مش شغال ولا يلك مستقبل وسمعتك زاي الزفت وقفلت التليفون، ولم يرد أي تهديدات منه نهائيًا".

وأتم: "القاتل كان مدمن مخدرات بكميات كبيرة وبلطجي وكل حاجة تخطر في بالك وله أكتر من قضية وضرب واحد بفأس وضرب واحد وعمله أكتر من غرزة".