"شوفوا كنا فين وبقينا فين".. يوسف الحسيني: "مصر فيها حاجات كتير اتغيرت لكن احنا مش واخدين بالنا"

كتب - معتز عباس:

قال الإعلامي يوسف الحسيني، إن هناك قدرات كامنة داخل مصر مُذهلة، تشجع على الاستثمار في المناطق الاقتصادية والمجمعات الصناعية في مصر.

وأوضح "الحسيني"، في برنامج "التاسعة"، المذاع عبر فضائية القناة الأولى، اليوم الأحد، أن الدولة المصرية بدأت تفعيل قدراتها، وفي عام 2023 يستمر هذا التفعيل بمزيد من الاستثمارات ومزيد من المشروعات وبالتالي إيجاد فرص عمل أكثر وتقليل نسبة البطالة في مصر.

ووجه الحسيني حديثه للمواطنين، قائلًا: "هو انتا لما بترخص وتعمل مخالفات لسة برضة بتروح الوحدة بتاعت المرور اللي انت تابع ليها ولا ممكن تعمل دا اونلاين من الويب سايت.. وفي حاجات ممكن تخلصه عن طريق مكتب البريد وفي حاجات بتتعمل من عربات المرور اللي موجودة في الأماكن العامة والمولات التجارية".

وأكمل: "الخدمة في تلك الجهات أصبحت ممتدة حتى 9 مساء في بعض الأماكن، نفس الخدمة في مصلحة الأحوال المدنية، ولو عايز تخلص خدمة من الشهر العقاري في حاجات بتخلصها عن طريق الكمبيوتر وممكن تستلمها من المكتب او من عربات متنقلة في الشهر العقاري".

وأردف: "لو أخدت بالك في حياتك اليومية.. مصر فيها حاجات كتير اتغيرت واحنا مش واخدين بالنا ومش مركزين معاها علشان اتعودنا عليها واصبحت جزء لا يتجزأ من نمط حياتنا اليويمة، لو ركزنا هتلاقي الدنيا اتغيرت.. شوف احنا كنا فين وبقينا فين".