"الناس مش عايزة أكتر من الستر".. مصطفى بكري:  من حق المواطن الحصول على معيشة كريمة

كتب - معتز عباس:

عبر الإعلامي مصطفى بكري، عن تفاؤله بقدرة مصر على تخطي الصعوبات التي تمر بها.

وقال "بكري"، خلال برنامج "حقائق وأسرار"، المذاع على قناة "صدى البلد"، اليوم الخميس: "لازم نعرف إن الحرب ضد هذه البلد لا تتوقف ولازم نعرف أن أساليب المزايدة لا تتوقف ونعرف أيضا حجم المعاناة كبير، تراخي البعض عن القيام بمهامه مش قليل".

وأضاف: "المواطن مش عايز أكتر من الستر، الناس قادرة على الفرز وتميز بين المخلص والمتآمر، المواطن المصري من حقه يجد ما يحتاجه من الستر مفيش حد عايز أكتر من الستر".

وتابع: "أنا كمهندس او اي فلان من حقي اختار ابني يروح أي المدرسة وابقى محافظ على المستوى اللي اخترته ليه من حقي اعيش عيشة كريمة ومعقولة ويبقى معايا فلوس لو حدث أي طارئ هو دا المطلوب، والكل يبحث عن الستر".

وأردف: "مش كل حاجة تمام، وفيه حاجات لازم تتصلح، لكن الحملات التي تنظم ضد الجيش والشرطة والتشكيك في القيادة السياسية عبارة عن محاولات حشد وشحن ضد الدولة، ربنا أعلم بالنوايا، بلدنا دي هتقف وتنتصر على مشاكلها".