عمرو أديب: "نعيش في عصر سعر الصرف المرن والمفروض الدولار يطلع وينزل مش يطلع بس"

كتب – معتز عباس:

عقب الإعلامي عمرو أديب"، على ارتفاع سعر الدولار مقابل الجنيه وكسر رقم 30.90 في أسعار اليوم الإثنين.

وقال "أديب"، في برنامج "الحكاية"، المذاع عبر فضائية "ام بي سي مصر 2"، أنه هناك نظرية تدعى الحاجز النفسي، الدولار اليوم كسر الحاجز النفسي في السوق، مضيفًا: "الحاجز النفسي في السوق عمل هسة النهاردة الدولار كسر الحاجز النفسي".

وأضاف، قائلًا: "عشان اكون واضح هل معنى كدا انه هيجري او هيرجع تاني معرفش، لكن أنا بوصف اللي حصل، انه كان في ترقب هو ايه الحكاية، خصوصا ان الناس ربط الأمر بارتفاع الفايدة، انما انا عرفت 31 اتكسرت بعدها الخبراء بيقولوا السعر العادل 32 وفي ناس تانية قالت حاجات مليش دعوة بيها ومينفعش اكررها".

وأكمل: "طيب هو السعر رايح لـ32 معرفش، جايز بكرا يرجع 30.95 جنيه، لكن السعر في السوق السوداء في فرق 5 جنيه بينه وبين سعر البنك المركزي هل 32 تقرب البعيد ولا تبعد البعيد، بكرا السوق السوداء هيقولك انا هقرب من 39 جنيه".

وأردف: "لازم نفتكر اننا نعيش في عصر السعر المرن، المفروض الادارة المصرية طبقا اصلاحاتها الاقتصادية لا تتدخل في سعر العملة والمفروض ان دا سعر السوق السعر المرن هو انا اشوفه بيطلع وينزل مش يطلع بس".