فيديو اعترافات المتهمين بقتل "فتاة المعادي": تفاصيل الحادث المرعب

كتب- محمد الصاوي:

أدلى المتهمان بقتل مريم محمد المعروفة إعلاميا بـ"فتاة المعادي" بأقوالهم في التحقيقات التي أجرتها الجهات المختصة.

وقال المتهم وليد عبد الرحمن، خلال فيديو مسجل: "أنا استلمت العربية الصبح وقابلت محمد ونزلنا المعادي وقعدنا نلف شوية علشان نلاقي حد ناخد منه الشنطة، قابلنا واحدة في المعادي خدنا منها الشنطة وجري الميكروباص وخدنا بعضنا وطلعنا على الأوتوستراد ورمينا الشنطة قبل دار السلام، وفتشت الشنطة لاقينا فيها 85 جنيها والفيزا بتاعتها والكارنيه، وأنا أخدت المكياج بتاعها ورميناها فاضية".

فيما قال المتهم محمد أسامة، المتهم الثاني بقتل مريم: "نزلنا الصبح واشتغلنا على العربية من 7 الصبح لحد 3 ونص، وقولنا نطلع ناخد شنطة، وقبل ما ننزل المعادي حطينا ععلى النمر شحم، وطلعنا على هناك، وماشيين في شارع وكان في بنت ماشية محجبة، وفضلنا ماشيين وراها وسحبت الشنطة والبنت عافرت معايا ووقعت في الأرض وأنا أخدت الشنطة، ووليد جري بالعربية".
​