تعدى عليها داخل محطة وقود.. ضبط المتهم بالاعتداء على الإعلامية سالي عبدالسلام

كتب- محمد الصاوي:

ضبطت أجهزة الأمن بالقاهرة، المتهم بالاعتداء على الإعلامية سالي عبدالسلام، داخل محطة وقود بالتجمع الخامس اليوم الأربعاء.

وكانت الإعلامة سالي عبد السلام نشرت فيديو الواقعة عبر حسابها في انستجرام، وكتبت معلقة عليه: "ده واحد وأنا قاعدة من شوية في العربية ومنزلتش حتى بشرب كوفي أنا و ريم صاحبتي في البنزينة اللي جمب بيتي جه يستظرف معاكي شاحن؟" رديت بكل أدب لا، وداخل بدماغه يشوف! بعدها انتي متضايقة ليه!!؟، قولتله حاجة متخصكش واتفضل امشي".

وأضافت: "لا متكلمنيش كده، قولتله اتفضل من هنا، مفيش، ولسه هيقل أدبه ويستظرف تاني صورته فيديو ، لما الناس اتلمت بيقولهم كنت بطلب شاحن! الرجالة بقيت بتقوله هو معلش".

وتابعت:- "السؤال هل هو العادي إن أي حد ممكن يكلم بنات ويستظرف ويدخل جوا العربية و عايزنا نسكت؟، ليه!؟ إحنا حصلنا ايه؟! السؤال بقى هو مين ده؟ وهل ده عادي؟ في بنات هتقبل ده عادي! مجتمعنا شايف إنه عادي؟ ولما أقوله إمشي ميمشيش".

وكشفت تحريات البحث الجنائي أن المتهم يعمل موظفا بشركة مقاولات في القاهرة.. وباستهدافه تم ضبطه واقتياده للقسم وجاري اتخاذ الإجراءات القانونية حيال الواقعة للعرض على النيابة.