أسعار المخللات "روح السفرة" في رمضان ترتفع إلى الضعف

كتبت- إيمان منصور:

ارتفعت أسعار المخللات مع دخول شهر رمضان الذي يكثر فيه المصريون من استهلاك الغذاء، وذلك تأثرا بحالة الغلاء التي أصابت أغلب السلع والخدمات في مصر.

ولا تخلو وجبة إفطار في رمضان من المخللات والتي يعتبرها المواطنين من المقبلات الأساسية على المائدة "مينفعش نجهز افطار من غير ما يكون فيه طرشي، هو اللي بيفتح نفسنا على الأكل" كما قالت سعاد ربة منزل أثناء شرائها لبعض أنواع المخللات.

وخلال جولة لمصراوي، قال بائع في محل متخصص في بيع المخللات أثناء تجهيزه لطلبات الزبائن إن"كل أنواع الطرشي غليت عن السنة اللي فاتت الضعف بس الناس إقبالها مقلش..لأن المخلل ده روح الأكل ولازم يكون موجود في كل وجبة وخصوصا في رمضان".

وتراوح سعر كيلو الزيتون العادي والأسباني بين 12 و20 جنيها، والمخلي بين 15و24 جنيها، والزيتون الأسود المخلي 32 جنيها، والكلاماتا 36 جنيها، والليمون المعصفر بين 6 و10 جنيهات، والبصل المخلل 10و15 جنيها.

ووصل كيلو المخلل العادي المشكل بين 10 و12 جنيها، والخيار المخلل 10 جنيهات.

"كل يوم وأنا مروح من الشغل لازم أعدي على بتاع المخلل وأجيب حتى لو بـ 5 جنيه زيتون أو ليمون، المهم مدخلش البيت من غيرهم" كما قال أحمد الرجل الستيني عند بائع الطرشي قبيل أذان المغرب.