السيسي: "كثير من التخصصات التي ندرسها في الجامعات فرص عملها منعدمة"

كتب- محمد عمارة ومحمد نصار:

رد الرئيس عبد الفتاح السيسي، على استعراض بعض رؤساء الجامعات لنسب الإنجازات التي تحققت في ملف التعليم العالي، قائلا: من فضلكم أنا مش جاي أسمع كلام جميل.

وأضاف الرئيس، خلال فعاليات الاحتفال بيوم تفوق جامعات مصر، اليوم الثلاثاء: الهدف بتاعي نعمل توصيف حقيقي، عشان نوصل لحلول تقدر تصلح وتعمل أمن واستقرار وثقة.

وأوضح السيسي: النهاردة الشاب والشابة اللي هتدخل آداب فرصة العمل بتاعته أد إيه، طب الكلام ده معروف من 15 سنة، عملنا إيه؟.

وتابع الرئيس: كتير من التخصصات اللي بندرسها فرص العمل لها منعدمة ولا محدودة، في الوقت نفسه سوق العمل مش في مصر بس وبرة مصر كمان مستني الناس اللي درست رقمنة، بنخرج ناس أد إيه لفرص عمل حقيقية.

وواصل: أنا هنا مش بتكلم على جودة التعليم، بتكلم في نوعية المسار، كلامي مش معناه تقليل من الآداب، ممكن نكون محتاجين نسبة، مش الكتلة دي كلها.

واختتم الرئيس: اللي تم محاولة منا لرفع البنية التحتية للتعليم العالي عشان نعوض الفجوة، محتاجين كلنا نفهم إن أنا كإنسان عندي موضوع الفلوس والتكلفة هاجس.