نوارة نجم: لو مكان مرسي.. لا أوافق بالرئاسة على حساب كرامتي
كتب- أحمد أبو صالح:
رفضت الناشطة السياسية نوارة نجم الدخول في نقاش مع جماعة الإخوان المسلمين، ورفضت أيضا النزول لميدان التحرير للمشاركة في مليونية اليوم المسماة بـ''عودة الشرعية''.
وقالت ''نجم'' من خلال تغريدات لها عبر موقع ''تويتر'': أنا مش قادرة أسامح الإخوان عندما تخلفوا عنا في كل المواجهات دي كمان كانوا بيشتمونا ودلوقت بيبتزوني كمان وبعد ما شفت يافطة جنب الخارجية حاطين صورة مرسي وكاتبين فوقها ''خياران كلاهما مر'' وكلام كتير معناه إنهم راضيين بمرسي غصب عنهم وكده أنا لو مكان مرسي ما أرضاهاش على كرامتي.
وأوضحت ''نجم'' أن الجماعة مستمرة في نهجها الأسبق في أسلوب استعراض القوة كل جمعة في الميدان للضغط، و ''ده بيحسسنا إن فيه صفقة عشان كده بيضغطوا مش بيثوروا بينما الجدعان من 6 أبريل وولاد أبو إسماعيل واخدين الموضوع جد''.
ووجهت رسالة للإخوان قائلة: ''الجماعة أعلنت أنها في الشارع لحين إسقاط حكم العسكر أو تنحي العسكر لو خايفين من كلمة إسقاط، ينزلوا بكامل طاقتهم ويقولوا إنهم لن يغادروا الميدان حتى لو مرسي فاز عشان الإعلان المكمل ولما الناس تشوفهم نازلين بكامل طاقتهم وبهدف التخلص من العسكري مؤكد سينضم بقية الشعب لهم''.
اقرأ ايضا:
فيديو قد يعجبك:
