بالفيديو.. باسم يوسف يصف حال مصر في أغنية ''بعد الثورة جالنا رئيس''

كتب- محمد الحكيم:

في أول حلقات برنامج ''البرنامج''، بعد ابتعاده عن الظهور على شاشة ''سي بي سي'' لفترة مؤقتة، لخص الإعلامي الساخر الدكتور باسم يوسف الحالة المصرية بعد عزل الرئيس السابق محمد مرسي بسبب تظاهرات 30 يونيو 2013.

وقال باسم يوسف خلال تقديمه برنامج ''البرنامج'' المذاع على فضائية ''سي بي سي''، الجمعة، إن المصريين مختلفين عن تسمية تظاهرات يوم 30 يونيو ما بين تسميتها بالثورة والانقلاب العسكري، مروراً بحادثة المنصة التي قُتل بها بعض المتظاهرين إلى إخلاء اعتصامي رابعة العدوية والنهضة انتهاءً بالأحداث الجارية.

وكان تلخيصه لحال مصر بالكلمات التالية: ''حرية حرية طب قفلوا قنواتهم ليه طب وقنواتنا بتقول اللي على مزاجنا .. قمع الداخلية رجع تاني يعني هم كانوا هايرحمونا..مش مبرر ان احنا نعمل معاهم كده .. كنا ندي فرصة .. اتغدينا بيهم قبل ما يتعشوا بينا..بكرة تشوفوا مصر .. شفناها .. انت مع مين لازم أبقى مع حد.. خاين عميل ارهابي ..أنا عايز أقول بس خلاص''.

وجاء في كلمات الأغنية: ''بعد الثورة جالنا رئيس..كان مفكرنا قراطيس.. جاء بالصندوق وسبنا يسوق عشان عايزنه بالنهضة ندوق.. والرئيس طلع كداب والنهضة كانت فكرة هباب خوف شعبه بالارهاب .. ساق في غبوته ولم جماعته ولبسنا في الشلة بتاعته .. والشعب قرر يثور ياخد جماعته ويغور .. مش عايزين اخوان any more حارب الشعب فنزل الشعب حرق للشعب وكمل لعب..والسيسي طرقع بيان قرر ي,,, للإخوان.. قاله معاك يومين كمان.. قاله أحيه بتعمل كده ليه معايا شرعية في وشي ايه .. السيسي لعبها صح الإخوان ابتدوا بالدح حسوا إن الكرسي بح .. اعتصموا في رابعة والنهضة وجيزة والهتافات كانت لذيذة .. أحيه أحيه بتعمل كده ليه.. والسلطة بدأت تضيع قفشوا خيرت وبديع صفوت اللي طلع فظيع عمل سكسوكة هرب في فلوكة كان ناقص يلبس باروكة.. والإعلام ما سابش حد لو قلت رأيك تتشد .. تبقى إرهابي وتتمدّ تبقى إخوان وعميل وجبان وكمان مسنود من الأمريكان''.

لمتابعة أهم وأحدث الأخبار اشترك الآن في خدمة مصراوي للرسائل القصيرة.. للاشتراك ...اضغط هنا