غادة عبدالرازق لـ باسم يوسف: ''فشلت في الطب وغيران من السيسي''

كتبت- سحر عزام:
هاجمت الفنانة غادة عبدالرازق الإعلامي الساخر باسم يوسف، عقب إذاعة حلقته الأخيرة من برنامج ''البرنامج'' على شاشة قناة ''سي بي سي''، متهمة إياه بالانتماء لما وصفته بالطابور الخامس والغيرة من الفريق أول عبدالفتاح السيسي وزير الدفاع.

وقالت عبدالرازق في تغريدة عبر حسابها على موقع التواصل الاجتماعي ''تويتر''، السبت، '' دكتور فشل فى مهنته وراح يشتغل مذيع وياخد ملايين اسالوه بياخد كام البيه، طبعا الطابور الخامس ابتدى بالبردعى ودلوقتى باسم يوسف بس ده فى الحلم مصر هى الجيش المصرى يا خونة''.

وتابعت : ''واضح ان الفريق حارق ناس كتير اوى يارب دايما، وياترى اوباما دلوقتى بتفرج على الحلقة وبيضحك ولا باسم بيرد الجميل لامريكا علشان الجايزة الى ادوهالوا، باسم يوسف واضح انك غيران من الفريق السيسي لأنه سرق منك المشهد ''.

وأضافت: ''مش مهم أنا المهم الفريق اللي نجدنا من الخراب اللي كنا عايشين فية هو عمل ايه لمصر برنامج للاسف كنت بحبه بس عمرى ماهحبه أكثر من جيشى، وعلشان تعرفوا انكم تفهة وبتتكلموا على الباروكة طبعا تافهين برضه الفريق حبيب الأمة العربية، ربنا يخليه لمصر وشعب مصر''.

وقد ارتدى باسم يوسف في فقرة من فقرات حلقته الأخيرة من برنامجه الساخر ''البرنامج '' مساء أمس الجمعة باروكة شبيهه بالباروكة التي ارتدتها الفنانة غادة عبدالرازق في حلقتها من برنامج ''أنا والعسل'' مع الإعلامي نيشان رمضان الماضي، وقام بتقليدها عندما تحدثت عن الفريق أول عبدالفتاح السيسي وزير الدفاع.