نوراة نجم تحذر: احترسوا من المزز علي ''فيس بوك'' و ''تويتر''
كتب - فادي محمد:
حذرت نوارة نجم، النشطاء السياسين، من قيام بعض الأشخاص ممن أسمتهم بالمنتمين للتيار الإسلامي، باستهداف منشئ الصفحات الثورية علي مواقع التواصل الاجتماعي، خلال مشاركتهم في المظاهرات.
وقالت نوارة خلال تدوينة لها علي موقع ''تويتر'' :'' انا مش عايزة افسر لحد ما اتأكد، بس في حد من اللي اتقتلوا احنا شاكين في صاحبته... بس لحد دلوقت مجرد شك, احترسوا المزز ''، مضيفة :'' اللي عامل صفحة، ولا بيرسم جرافيتي، ولا بيأمن مظاهرة.. يخلي باله من نفسه''.
و طالبت نوارة، جميع النشطاء بتغير الإيميلات الخاصة بهم و تغير أسمائهم، حتي لا يستطيع أحد التعرف عليهم بسهولة.
وتابعت :''مش أي حد يشتم في الإخوان ويبعت لك أنبوكس تضرب معاه صحوبية وتروح تقابله في المظاهرة وهم بيبقوا أخوان وبيسلموهم.. لو سمحتوا خدوا بالكوا، وكمان وأنت بتوت من مظاهرة أو فاعليات بتلاقي ناس ما تعرفهاش تخش تقولك: أنت فين دلوقت يا فلان.. قال يعني بتتابع الأحداث.. ما تردش''.
كما طالبت نوراة النشطاء بعدم إعلام أحد بخط سيرهم مع تجهيز رسالة ''انا اتمسكت'' في الموبايل، حتي يرسلها وقت أن يتم القبض عليه، قائلة : ''ما تستهونش بنفسك وتقول أنا مين يعني؟ هو أنا البرادعي؟ بالنسبة للإخوان صفحتك ونشاطك ونزولك مخليك أخطر من البرادعي''.
و اختتمت نوارة كلمها قائلة '' أنا عارفة إنك عايز تستشهد وإنك شجاع وفاتح صدرك، بس وأنت عايش بتخدم البلد أكتر من وأنت ميت.. مش شطارة إنك تسلم نفسك يقتلوك''.
فيديو قد يعجبك:
