''شعب تويتر'' ساخرًا من مبادرة اسأل الرئيس: ''الشعب يسأل والشاطر يجيب''

كتب- إياد أحمد:
 
دشن مستخدمو موقع التواصل الاجتماعي، مساء الأربعاء، ''هاشتاج'' ''سخرية #اسأل_الرئيس''، للسخرية من مبادرة الرئيس محمد مرسي لتلقي أسئلة عبر حسابه على تويتر للإجابة عليها.
 
وجاءت الأسئلة والتعليقات الأكثر سخرية كالآتي: ''الشعب يسأل و الشاطر يجيب''، و'' الفلاح ولا الصياد ولا العامل ولا السائق ولا العشوئيات ولا الفقير ولا الغلبان بيخش على تويتر يا ريس ؟؟''، و''هو صحيح البلتاجي (اللمبي)، هيمسك المخابرات ؟''، و''لو المرشد ربنا افتكره .. مين اللى حيدير البلد''، و''طيب وربنا وربنا .. انا مش مرتاحه للموضوع ده , وحاسه انه كمين وهنتلم كلنا فى السجن قريب''.
 
كما قال آخرون: ''انت لما قولت مشروع ١٠٠ يوم كنت تقصد اليوم بالنسبة لكوكب الارض ولا بحسابات الكواكب التانية بتاعت ناسا ؟...''، و'' وانا اسأل الرئيس ليه اسأل المرشد علي طول!''،  و''يا ترى هتبعت الأسئلة للمرشد بالايميل ولا الفاكس ولا على انبوكس الفيسبوك''، و''في اشاعات بتقول إن خيرت معاه الباسورد بتاع الاكونت بتاعك على تويتر، الكلام ده صح ؟''، و''هل تتلقى تعليمات من مكتب الإرشاد جميعهم أم كلهم حته منه و ﻻ كله''.
 

فيما تفاعل عدد من النشطاء مع مبادرة الرئيس محمد مرسي للتواصل مع الشباب، وقال ''إسلام سعيد''، في سؤاله لمرسي: ''متى سيطبق نظام تأمين صحي شامل لكل المصريين على غرار أوروبا؟''، فيما تساءل ''هشام'': ''أين الأدلة المادية على وجود مؤامرات، ولماذا لم يتم محاكمة أحد حتى الآن؟''، و قال ''مصطفى حسين'': ''8 شهور فترة كافية لإعادة بناء شرطة جديدة مش إصلاحها بس؟ مفتاح الحل هو الشرطة، فين الشرطه يا دكتور؟''.