أسماء محفوظ : تحرش التحرير ليس له علاقة بالسيسي أو الإخوان

كتبت - عبير القاضي:

إستنكرت الناشطة السياسية، أسماء محفوظ، واقعة التحرش التي حدثت بالامس في احتفالات تنصيب المشير عبد الفتاح السيسي رئيساً للجمهورية بميدان التحرير، قائلة :'' الذي حدث في ميدان التحرير ليس له علاقة بثورة 25 يناير أو حتي 30 يونيو''.

وقالت محفوظ عبر حسابها الشخصي عل بموقع التواصل الاجتماعي''تويتر'' اليوم الاثنين، ''اللي حصل في التحرير ده ملوش علاقة ب30 يونيو ولا 25 يناير ولا سيسي ولا فلول ولا ثوار ولا مرسي ولا اخوان ومش اخوان، اللي حصل في التحرير ده ليه علاقة بينا كلنا ،ليه علاقة باحنا عايشين فين وازاي، ليه علاقة بان المجتمع ده كله مسئول عن اللي حصل ليه علاقة بان مجتمع كامل بيعامل البنت على انها مجرد ''،شيء'' لاشباع الرغبات وبس، مجرد ''شيء'' وجودها يجلب العار، مجرد ''شيء'' مذنب على طول الخط، مجرد شيء '' ممكن يتشكل لاي نوع من انواع المتعة''.

وأضافت '' البنت المصرية بتصرخ من زمان اوووي وبتعملو نفسكو مش واخدين بالكو، الجاني هنا هو كل واحد بيودي وشه الناحية التانية، الجاني هنا هو كل ''راجل'' بيبرر كل حالة تعدي على البنت، الجاني هنا هو المجتمع اللي بيشوف ان الراجل يعمل اللي هو عايزه، ده مجتمع ودي دولة يحصل فيها للبنت كده في كل تجمع وتكون النتيجة هي السكوت، وياريت قبل ما كل واحد يشوف اللي حصل ويقول الحل اننا احنا كرجالة لازم ننزل نحمي البنت من التحرش''.

لمتابعة أهم وأحدث الأخبار اشترك الآن في خدمة مصراوي للرسائل القصيرة.. للاشتراك...اضغط هنا