حقيقة طرد ريهام سعيد من المغرب بسبب حلقات مشبوهة

كتب- أحمد لطفي:

أثارت الإعلامية ريهام سعيد، مقدمة برنامج "صبايا الخير" المذاع على فضائية النهار، أزمة جديدة بسبب ما أشيع عن تصويرها حلقات مشبوهة خاصة بالدعارة والسحر في دولة المغرب، وتم طردها من البلاد.

وقالت ريهام سعيد، على صفحتها الرسمية على فيسوك، اليوم الاثنين، إن "اليومين اللي فاتوا انتشرت اخبار كاذبة وإشاعات عن سبب وجودنا في المغرب، انا بس عايزة أوضح كام حاجه كده اولا احنا مصورين في اكتر من 6 مناطق في المغرب يعني لو المفروض ان فعلا هنصور مع مطرب مغربي بس مش معقول هنلف بيه في ال 6 مناطق دي ، ثانيا المفروض اننا كنا نرجع اول امبارح لكن قعدنا يومين زيادة يعني ماتقبضش علينا زي ما هو منتشر ، ثالثا الحركة دي معمولة من شوية ناس شغاله في قنوات تانية و بيبلغوا الاخبار دي للصحفيين علشان يأثروا علي سمعة برنامج صبايا الخير و يتشهروا علي حسابه".

واستطردت قائلة: "رابعا وده الاهم بقي ان لو فعلا كنت قعدت أعلن عن حلقة المغرب دي ماكنتش هعمل عليها بروباجندا زي ما انتوا عملتولي كده و هتخلوا الناس تستناها اكتر فا شكرا ليكوا، وعلي فكره احنا لِسَّه موجودين في المغرب".

وأرفقت ريهام سعيد، صورة ضوئية لخطاب المركز السينمائي المغربي، الذي يؤكد سماحه لفريق العمل بتصوير حلقات عن الأماكن السياحية بدولة المغرب - على حد وصفها.