بالفيديو: أبو حفيظة ساخرا: "مش هشرب مية تاني..حكومتنا هتموتنا"

كتبت-عبير القاضي:

عبٌر الاعلامي أكرم حسني، الشهير بـ "ابو حفيظة"، عن رفضه لتصريحات المسؤولين على غرق صندل الفوسفات بمياه نهر النيل بقنا، بطريقته الخاصة، حيث قام بغناء أغنية " الفوسفات في المية"، مستخدماً لحن أغنية "الأيام الحلوة" للمطرب إيهاب توفيق.

وجاءت كلمات الاغنية التي عُرضت في برنامج "أسعد الله مساءكم" على فضائية " إم بي سي" مصر أمس السبت، "الفوسفات في الميه أه يا حوستي ياني مش هشربها تاني طعم المية أتغير والموضوع ده يغير، حتى الشمعة بتاعت الفلتر كل يوميين بتتغير، ودي حاجة بتتكرر وانا من يومها مقرر هنزل أجيب 30 كرتونة حجم صغير، حتى الشاى مش هشربه بق المية بقيت أحسبه وبلاش مية من الحنفية وكفاية فينا يجربوا، ده الفوسفات فيها دايب".

واستكملت كلمات الاغنية، " 100 مسؤول بيألفوا ميه نظيفة وبيحلفوا ونموت أحنا وتطلع روحنا وساعة الجد بيختفوا، الشعب بيستعبط وسليم وبيتصلبط، ده المسؤول طالع بيقول الاسماك بتبلبط، وأدي حكومتنا يا خراب بيتنا هتموتنا انت وانا ".

شاهد الفيديو