باسم يوسف: الظروف لا تسمح بعرض برنامجي و"بلاش تفاصيل عشان منروحش في داهية"
كتبت - سحر عزام :
قال الإعلامي الساخر باسم يوسف، إن الميديا في العالم العربي لا تعطي فرصة جيدة للشباب وأن دوره خلال المرحلة القادمة هو تشجيع مواهب الشباب من خلال برنامج "ذيع موهبتك" هو برنامج يسمح بعرض مواهب الشباب على الإنترنت.
وأضاف يوسف في مداخلة هاتفية لبرنامج "آخر النهار" المذاع على قناة "النهار" مساء أمس الأربعاء :"الظروف الآن لا تسمح بعرض برنامج لي، وأنا أتلقى عروض ولكنها ليست على المستوى وفيها إلهاء، ومن الأفضل طالما أنا غير قادر على تقديم ما أريد، افتح المجال لتشجيع المواهب على الإنترنت لكي تأخذ فرصتها مثلما أخذت أنا من قبل فرصتي، وأنا قمت بالتدريس للطلبة في جامعة هارفارد العلاقة بين الكوميديا والسخرية في العالم العربي".
وتابع باسم يوسف ضاحكا :"أنا مثل العصفور كل يوم على غصن، وبلاش تفاصيل عشان منروحش في ستين داهية، وأسرتي عايشة معايا في الخارج، واحنا بلد جميلة ولطيفة ومفيش حد يمنع من السفر ولا يحبس بدون وجه حق، وكل واحد عايز يصدق اللي هو عايزه، في ناس صدقت أن البرنامج اتوقف عشان لا أحد يشاهده، وآخرين مصدقين أن مفيش حد يقدر يوقفك أو يمنعك من السفر، خلي كل واحد عايش في الفكر اللي يريحه".
فيديو قد يعجبك:
