داليا زيادة تطالب بوقف برنامج "رامز واكل الجو" لهذه الاسباب

كتبت-عبير القاضي:

استنكرت الناشطة الحقوقية داليا زيادة، مديرة المركز المصري للدراسات الديمقراطية الحرة، فكرة برامج المقالب التي تعرض على شاشات التلفزيون في شهر رمضان الكريم، قائلة :" برامج منتهى السادية، واطالب بوقفها فوراً"- على حد تعبيرها.

وقالت زيادة عبر حسابها الشخصي على موقع التواصل الاجتماعي "فيسبوك" اليوم الأثنين، " من زمان وأنا بقول إن برامج المقالب بتاعت رامز هي منتهى السادية، مش عارفة يعني إيه تقعد تضحك على واحد في حالة فزع وبيصرخ لأنه هيموت، وزعلت جداً إن المحترم والموهوب هاني رمزي، حط نفسه في القرف ده هو كمان".

وأضافت قائلة :" مش مكفيهم ساديتنا تبقى بينا وبين بعض، رايح يجيب باريس هيلتون، علشان العالم كله يعرف احنا قد إيه شعوب سادية بتعشق الفرجة على الناس وهي بتتعذب وتموت، شاطرين بس يوقفوا إعلان فوكس الـ ما فيهوش أي حاجة تستحق وقفه وسايبين القرف ده يخرب في عقول ونفسية الأطفال والكبار".

وتابعت الناشطة الحقوقية :"أنا كمواطنة مصرية أطالب هيئة حماية المستهلك أو هيئة الاستثمار أو أي حد مسؤول عن الإعلام في البلد دي بوقف عرض النوعية دي من البرامج ووقف المهزلة دي فوراً، كفاية!".