السيسي يعتذر للمحامين.. ويوجه تعلميات مباشرة لوزير الداخلية

القاهرة - (أ ش أ)

أعرب الرئيس عبد الفتاح السيسي، عن خالص اعتذاره لجموع المحامين عن التصرف الفردي، الذى صدر من أحد ضباط الشرطة ضد أحد المحامين الأسبوع الماضي، قائلا:" انا بقول للمحامين كلهم حقكم علي، وأنا أعتذر لكم ، وبقول لكل أجهزة الدولة من فضلكم ، لازم نخلى بالنا من كل حاجة ، رغم الظروف اللى احنا فيها" موجها كلامه للواء مجدى عبد الغفار وزير الداخلية" .

وأضاف الرئيس على هامش افتتاح 39 مشروعا تنمويا جديدا :" أنا أعتذر لكل مواطن مصري تعرض لأى إساءة ، بإعتبارى مسئول مسئولية مباشرة عن أى شىء يحصل للمواطن المصرى ، وبقول لأولادنا فى الشرطة أو فى أى مصلحة حكومية ، لازم ينتبهوا إنهم بيتعاملوا مع بشر ، والوظيفة تفرض عليهم التحمل ، لان المصريين أهلنا وناسنا ، ومافيش حد ينفع يقسوا على أهله ".

وقال " عاوزين نأخد بالنا دايما ، ونكون مثل وقدوة".

واستشهد الرئيس بما حدث خلال زيارته الأخيرة لألمانيا والمجر بالقول : كانت تعليمات الحرس بضرورة عدم الاقتراب من أحد ، أو التوقف من أجل أحد ، ولكن أنا كسرت هذه التعليمات وأديت أوامر بعسكها ، لان المواطن المصرى اللى مكلف نفسه ، وسايب شغله وحالة عشان يقول أنا معاكم ، مش ممكن أبدا ، أقوله أمشى متشكرين ، لأنهم أهلى وناسى ، وما ينفعش حد يقسوا على أهله وناسه ، إحنا لازم نرفق على بعضنا .