هاشتاج"مذبحة بورسعيد" يتصدر "تويتر" بعد احكام الاعدام

كتبت-عبير القاضي:

أثار قرار محكمة جنايات بورسعيد، المنعقدة بأكاديمية الشرطة، اليوم الثلاثاء، برئاسة المستشار محمد السعيد، في قضية مذبحة استاد بورسعيد، والتي راح ضحيتها 74 من ألتراس النادي الأهلي عقب
نهاية مباراة بالدوري العام 2012، بمعاقبة 11 متهمًا بالإعدام شنقًا، جدلا واسعاً على مواقع التواصل الاجتماعي “فيسبوك وتويتر"، ما بين مؤيد ومعارض لحكم المحكمة.

وتعود أحداث الواقعة إلى فبراير 2012 في أعقاب مباراة في الدوري الممتاز بين فريقي الأهلي والمصري البورسعيدي، واتهم فيها 73 متهما بينهم 9 قيادات أمنية، و3 من مسؤولي النادي المصري، شباب ألتراس النادي المصري.

وتصدر هاشتاج"مذبحة بورسعيد" الاعلى متابعة على موقع التواصل الاجتماعي "تويتر".

حيث قال ‏@hettaforever200
"ربنا يرحمكوا يا أجمل شباب القصاص مش هيرجعكوا بس شفاء لما في الصدور في الجنه يا رب"

وعلق Islam Salah
"سامع احكام اعدام و15سنه سجن مشدد في قضية #مذبحة_بورسعيد الحمد لله دمهم مارحش هدر بس يا رب مدير الامن يكون اتلط معاهم دمك مارحش هدر يا مصطفى"

وأضاف @sohylanasr
"الحمدالله ...اخيرا حق الشهداء جه فى البلد دى #مذبحه_بورسعيد ".

وتابع @mahmoudessam38
"مذبحه_بورسعيد واللي خطط لكل ده لسه عايش وكله عارفه بس حسابك عند ربنا"

وأشاد @hettaforever200
"الحق الكامل المطلق مش فى الدنيا #القصاص_للشهداء يشفي بعضا مما فى الصدور فى انتظار عقاب الله للظالمين بوم يشهدون على أنفسهم #مذبحة_بورسعيد"

وقال @omarkhaledkap
"هو أحنا من أمتا سمعنا أن حد من الداخلية بتحكم عليه في مصر ؟!!الحمدلله أتحكم عليهم ب 5 سنين مع الشغل و النفاذ".

واستنكر Mahmoud Elharown
"مدير امن براءة والمتهمين قالو ان المجلس العسكرى هو المسئول وظباط هما اللى حرضوهم فين باقى المتهمين ولا دول كبش فدا النظام وفين الشرطة اللى كانت بتأمن الاستاذ ولية قفلو الابواب “
وأضاف Hassan Akram
"متتسرعوش وتفرحوا بالحكم ...شوفوا مين الأول اللي أخذ إعدام ومنصبهم إيه في الدولة ...مش هتلقي ضابط شرطة واخذ إعدام".