بالفيديو- القرموطي يراوغ "النور" ويتصل بالحزب على الهواء ليطلب سوفالدي مجانًا

كتب- شريف أيمن:

أجرى الإعلامي جابر القرموطي -خلال تقديم برنامجه "مانشيت"- اتصالًا هاتفيًا على مقر أمانة حزب النور بالأسكندرية، دون الإفصاح عن هويته، للكشف عن ما نُشر حول توزيع الحزب لعقار سوفالدي على المواطنين بالمجان، كنوع من الدعاية الانتخابية.

وقال القرموطي:"دة رقم توزيع عقار السوفالدي على المواطنين، أنا مواطن عادي وعندي مريض عايز يتعالج بالسوفالدي، أقدر أحصل عليه بالمجان إزالي، أتواصل معاكوا إزاي".

ومن جانبه، رد عليه المسئول المتواجد بحزب النور، قائلًا:"انا معرفش حاجة عن الموضوع ده ومعنديش معلومات خاصة بيه، من فضلك إديني ١٠ دقائق واتصل بي مرة أخرى".

وأضاف القرموطي، أنه تعرف على الإعلان من خلال الحساب الخاص بحزب النور على موقع التواصل الاجتماعي "فيسبوك"، بالإضافة إلى بعض الصحف التي نشرت ذلك، متسائلًا:"طيب أنا أعمل إية دلوقتي في المريض اللي عندي، ولو انتوا مش بتوزعوا سوفالدي طيب انتو بتوزعوا ايه؟".

ورد المسئول المتواجد بحزب النور:"يا فندم إية السؤال الغريب دة؟، انت عايز تاخد مني تصريح إن حزب النور بيوزع سوفالدي، وأنا بقولك معرفش".