باسم يوسف من صفحته الرسمية على فيسبوك: "قلت افضفض حبتين"

كتبت - سحر عزام :

سخر الإعلامي باسم يوسف من مطالبة بعض الإعلاميين له ولغيره من الإعلاميين الذين توقفوا عن تقديم برامجهم بالعودة مرة أخرى، مشيرًا لعقلية الإنكار لدى البعض بالتعامل مع البرامج التي توقفت لأسباب تتعلق بضعف المشاهدة أو لقلة الإعلانات.

وكتب يوسف تدوينة عبر صفتحه على موقع التواصل الاجتماعي "الفيس بوك" اليوم الأربعاء :" بأحب قوي إن الإعلامي من دول يقولك المفروض باسم يوسف و لا غيره يرجع تاني، و كأن مثلا احنا اللي اخترنا نوقف البرنامج بنفسنا، صحينا الصبح قفلنا المحل و رشينا ميه، لكن طبعا عقلية الإنكار بتاع إن البرنامج وقف عشان الناس بطلت تتفرج و لا عشان الإعلانات قل".

وأضاف باسم يوسف :"و كأن البرامج الموجودة دلوقتي مفرتكة الترنك من المشاهدة، المهم لطيف قوي التعامل مع وقف أو منع البرامج كاننا عايشين في فراغ، الناس بتوقف لوحدها، البرامج بتقف لوحدها، الناس بتمشي من البلد بمزاجها. حاجات لطيفة قوي".

وتابع: "المهم بعد البوست اللي فات ده (قلت افضفض حبتين) بارحب بيكم في الصفحة الرسمية بتاعتي. ساعات ال ١٤٠ حرف بيكونوا مش كفاية الواحد يقول اللي عايزة . ان شاء الله أتواصل مع الناس هنا الى جانب تويتر و انستجرام. السؤال شات لِسَّه مش داخل دماغي بس شكلي حاعملها".