باسم يوسف: "الدولة بترعى البلطجة.. والإعلام آداة في إيدها"

كتب - مصطفى ياقوت:

انتقد الإعلامي باسم يوسف، تناول عدد من وسائل الإعلام، لفعاليات الجمعية العمومية غير العادية لنقابة الأطباء، والتي عقدت اليوم بمقر النقابة، بحضور 10 آلاف طبيبًا؛ لبحث تداعيات اعتداء عدد من أمناء الشرطة، على أطباء مستشفى المطرية التعليمي.

وقال يوسف، عبر حسابه الرسمي على موقع التواصل الاجتماعي فيسبوك، "بعد خمس سنين.. الإعلام المصري مازال مثبت كاميرا على الكوبري اللي فاضي".

وأضاف "الموضوع مش مجرد تدليس أو كذب. كدة الدولة كاشفة وشها و بتقولك بالفم المليان أنا و الداخلية بتاعتي و الإعلام بتاعي، ووزارة الكهرباء بتاعتي اللي قطعت على النقابة المولد، بنرعى البلطجة عيني عينك، و حطنش على حق أي مواطن عشان احمي كلاب حراستي".

وأكد يوسف، أن التغطية الإعلامية للجمعية العمومية للأطباء، تعد اعترافًا ضمنيًا من الإعلاميين، ووسائلهم الإعلامية، بأنهم أدوات في أيد النظام، قائلًا "بيقولوا من سكريبت واحد.. كل شوية حد بس يطّلع يقوله كلمتين معارضة لايت عشان المنظر، زي كده عبد الرحيم علي، اللي عايز تيار معارض يدعم النظام".