بالفيديو.. لواء شرطة لمالك عدلي: "أنت مخبر أمن دولة".. والثاني "مش هرد عليك"

كتبت - عبير القاضي:

هاجم اللواء محمد نور الدين، مساعد وزير الداخلية السابق، هجوماً حاداً على المحامي مالك عدلي، قائلا :" انت اصلا كنت مخبر لأمن الدولة ماتعملش فيها قدام الناس أنك أحمد عرابي".

وقال نور الدين، خلال حواره في برنامج "العاشرة مساءاً" على فضائية "دريم" مساء أمس الأحد،" أنا بدافع عن مصر من أمثال مالد عدلي، ولو محترمش نفسه أنا ممكن اتعامل معاه، وهو عارف أنا ممكن أعمله إيه".

وفي ذات السياق، قال مالك عدلي، " أنا مش هدافع عن نفسي، لاني عارف الأساليب ديه كويس، وأنا مش مخبر لأمن الدولة"، مؤكداً أن "هناك اختفاء قسري بشكل كبير، لأن هناك بلاغات للنائب العام وشهود عيان على هذه الوقائع، كما أن هناك مواطنين يفقدون أرواحهم داخل السجون، وكل ذلك يصب في وزارة الداخلية".

وأضاف : "أنا مش خايف من اتهامات سيادة اللواء، لأني مش خايف أنه يطلعلي السيديهات أو الصور الخاصة بي، ومش هرد عليه علشان هو اد ابويا".

واستكمل :" الشرطة ليست هي الدولة، والشعب ممكن يعيش من غيرها ومش هتسقط مصر"، موجهاً حديثه لـ مساعد وزير الداخلية السابق:" احترم الجهاز اللي انت تابع ليه".

ومن جانبه اعترض اللواء نور الدين على تصريحات مالك عدلي، قائلا :" انا هنسحب ومش هقعد مع شوية عيال بيهينوا رموز الدولة المصرية، ولازم يحترم نفسه".