السيسي مهدداً الجميع :"اللي حيقرب لمصر حشيله من فوق وش الأرض"

كتبت-سحر عزام :

قال الرئيس عبدالفتاح السيسي أنه سيتم الانتهاء نهاية العام الحالي من تطوير 6آلاف كيلو متر طرق، لافتًا إلى أنه تم إنشاء 133 كوبري في 20 شهرا.

وأضاف السيسي في كلمته في إطلاق استراتيجية التنمية المستدامة "رؤية مصر 2030" اليوم الأربعاء بمسرح الجلاء :"انتوا كنتوا عايشين جوا مصر ومش واخدين بالكوا إن مفيش ضعف ونقص في البنية الأساسية، احنا بنحاول نعمل دولة حقيقية، اسمعوا مصر فيها أكثر من 70 ألف كيلو موجودين على مدار تاريخها، لو حبيتوا تعملوا صيانة لهم، يعني يخلصوا على عشر سنين".

وتابع الرئيس السيسي :"لو سمحتوا متسعموش كلام حد غيري، أنا بتكلم بمنتهى الجدية، لا تسمعوا كلام حد غيري، أنا لا بكذب ولا بلف ولا بدور وليس لي مصلحة سوى بلدي، وفاهم أنا بقول ايه، احنا بنقطع مصر ولا ايه، أنا مش حسمح بكده، محدش يفكر إن طولة بالي وخلقي الحسن إن البلد تقع، قسما بالله اللي حيقرب ليها حشيله من فوق وش الأرض، انتوا فاكرين الحكاية ايه، انتوا مين، دول 90 مليون وأنا مسئول أمام ربنا أقول إن خليتي بالي منهم".

وأشار الرئيس السيسي بعد ذلك لنجاح مصر في حل مشكلة الكهرباء في عام واحد، بتكلفة تصل ل150 مليار جنيه، لافتًا إلى أن تكلفة تطوير الطرق تصل لـ50 مليار جنيه.