يسري فودة : الحاكم المصري تاريخيًا لا يؤمن إلا بنفسه

كتبت - سحر عزام :

قال الإعلامي يسري فودة إن الحاكم المصري تاريخيًا لا يؤمن إلا بنفسه ولو أخذ راي أحد فغالبا يكون من أجل دعم قراره المتخذ سلفا بحسب قوله.

وأضاف فودة عبر صفحته على موقع التواصل الاجتماعي "الفيس بوك" اليوم الثلاثاء :" الحاكم المصري تاريخيًا لا يؤمن إلا بنفسه، و لو أخد رأي حد فغالبًا بيكون عشان يدعم قراره المتخذ سلفًا. الإسرائليين عارفين ده كويس عننا و بيستغلوه. بيسيبوه يتفشخر بأنه يقدر ياخد أي قرار في أي لحظة، و ييجي هو يطلب حاجة في المقابل يقولوله: معلش عندنا فريق لازم نتناقش معاه و كينيست لازم يوافق".

وتابع الإعلامي يسري فودة :" أيام مفاوضات كامب ديفيد كان كل فريق نازل في كوخ منفصل و الأمريكان في النص، و كان فيه كافتيريا أحيانًا بيتقابلوا فيها. سألت أحد أعضاء الفريق المصري وقتها إزاي كانت عملية اتخاذ القرار في الجانب المصري. قال: أبدًا، كنّا نروح الكافتيريا الصبح نعرف أخبارنا من الإسرائيليين".