السيسي: "مقدرش أنام وأكل.. وغيري لا بيأكل ومش مبسوط"

كتبت – سحر عزام :

قال الرئيس عبدالفتاح السيسي أنه يشعر بالألم من الأوضاع التي يحيا فيها المواطن في المناطق العشوائية، وعلى المصريين التكاتف معا لتطوير المجتمع والقضاء على العشوائيات والمناطق الخطرة.

وأضاف السيسي خلال كلمته في افتتاح المرحلة الأولى والثانية من مشروع تحيا مصر بحي الأسمرات اليوم الإثنين :"ملناش خيار ثاني، لو الأمر يتطلب مننا إننا منأكلش، وميبقاش وسطنا حد عايش كده، أنا مقدرش أنام وأكل وابقى مبسوط، وغيري لا بيأكل ولا مبسوط، أهل البلد اللي بيحبوا نفسهم، يعني أنا وجاري، كلنا نضع ايدينا في ايد بلدنا، في ايد بعض".

وتابع الرئيس السيسي :"لما كنت بشوف صور العشوائيات كان بيوجعني قوي الشكل ده والحياة دي، احنا كلنا المصريين، لا يمكن نسمح به لو توصل نقسم اللقمة علينا، ولا ان يكون حد من أهلنا كده، وبعض الأفلام تصدر كلام مش مظبوط عن العشوائيات ولن نسمح بذلك مرة تانية، فهذا يقسم المجتمع، واحنا عايزين نكون كتلة واحدة".