وزير التعليم: حوادث الطرق فاقت ضحايا الإرهاب.. و"السواقة عندنا استعراض للمهارات"
كتبت-:ياسمين محمد:
استنكر الدكتور طارق شوقي وزير التربية والتعليم والتعليم الفني، توقيع بروتوكول تعاون لتدريب سائقي الدولة، في غياب ممثلي وزارة النقل.
ووقع صندوق دعم وتطوير المشروعات التعليمية، بروتوكول تعاون لإنشاء نموذج تعليمي لتأهيل سائقي الدولة، اليوم السبت، مع جامعة الإسكندرية، وأكاديمية مصر للقيادة.
وقال وزير خلال كلمته بتوقيع البروتوكول، نيابة عن رئيس الوزراء، إن إحصائيات حوادث الطرق مرعبة وقد تصل إلى معدل الحوادث الارهابية أو تفوقها "إحنا كدا بنموت نفسنا".
وأكد شوقي أن تعليم مهارات القيادة والاهتمام بالأخلاقيات والسلوك ضرورة، ولكن من المهم كذلك تفعيل دور وزارتي النقل والاسكان والتعمير قائلا: "اللي بيبنى رصيف مش بيعمل حساب للمسن هيطلعه ازاي، ومفيش تقسيم للطرق ولا فيه يفط، اللي مش عارف الطريق في مصر ممكن يروح في اتجاه معاكس".
ووجه الوزير حديثه لأعضاء مجلس النواب الحاضرين قائلا "هو فيه قانون للمطبات في مصر ولا المسألة عشوائية مطلقة، مفيش كود لبناء الطرق وقطر الملفات وعرض الطرق، والرصيف في التجمع الخامس محتاج سلم علشان نطلعه، المسألة بقت مثيرة للأعصاب".
ولفت الوزير إلى أن اختبارات القيادة في مصر تعتمد على استعراض المهارات مضيفا :" قالولي روح ذاكر وتعالى بعد شهر في امريكا علشان سوقت بإيد واحدة، ولما المدرسة بتفتح الطريق كله بيقف احنا هنا بنصارع العربيات".
وأكد الوزير أن البروتوكول يعد خطوة جيدة نحو الإصلاح، مؤكدا أن وجود رغبة جادة لدى الحكومة للتغيير ضروري جدا؛ مطالبا مجلس النواب بإيجاد تشريعات تضبط "المطبات والبلاعات اللي عاملة زي الألغام، واليفط اللي لما بتبقى موجودة بيبقى خطها صغير جدا، وإنشاء الطرق".
فيديو قد يعجبك:
