نائبة تطالب بحرق مناهج الأزهر المتطرفة أمام البرلمان

كتب- أحمد علي:
طالبت النائبة منى منير، عضو مجلس النواب، بحرق كافة الكتب التى تضم أفكار متطرفة ومحرضة على العنف، خاصة المناهج التى تضم فتاوى مضللة وتدرس لطلاب الأزهر، أمام مبنى البرلمان.

وأضافت النائبة خلال الجلسة العامة لمجلس النواب، لمناقشة الحادث الإرهابى الأخير بالمنيا: "الكلام فى الهواء كدا بدون أى إجراءات على أرض الواقع، لا جدوى منه، وكان من المفترض حضور ممثلين عن وزيرى الداخلية والأوقاف ومشيخة الأزهر".


وتابعت عضو مجلس النواب فى كلمتها: "إحنا بنمثل عن الشعب، وبنضحك على نفسنا، لازم نعرف إن 90% من أصحاب الأفكار المتطرفة بالمنيا متخرجين من المعاهد الأزهرية، واللي بنعمله دلوقتي تمثيل على الشعب، كل يوم حوادث إرهابية ومفيش أي تحرك، مش معقول من وقت الأحداث اللى بتقع، ومفيش أي تحرك أمني، وابن تيمية بيدّرس فى الأزهر والدولة تيجى تقولنا أننا بنحارب الإرهاب ده تمثيل علينا وعلى الشعب".​