السيسي عن الانتخابات الرئاسية المقبلة: "أنزلوا وشاركوا وبعد كده ربنا يولي من يصلح"

كتب ــ محمود مصطفى:

وجه الرئيس عبدالفتاح السيسي، رسالة للمصريين حول الانتخابات الرئاسية المقبلة، قائلا: "أوعوا ما تنزلوش، دا يوم بيتحدد بيه مصير مصر".

وأضاف الرئيس: "حتى لو هتقف 10 ساعات واليوم كانت متعب ليكوا، بس انزلوا عشات العالم يشوف إن المصريين إرادتهم بإيديهم، فالعالم يرى ويتابع ذلك، مين اللي تنتخبوه دا بتاعكو أنتوا، وماحدش يقول روحنا الساحل وجه حد ما كناش عاوزينه".

وتابع السيسي، خلال إجابته على أسئلة الشباب في جلسة "اسأل الرئيس"، على هامش فعاليات المؤتمر الدوري الرابع للشباب الذي يعقد بالإسكندرية على مدار يومين: " قل اللهم مالك الملك تؤتي الملك من تشاء وتنزع الملك ممن تشاء، ويجب أن نرضى بذلك".

وتابع السيسي: "إحنا بنتكلم على دولة، الأساس فيها أننا ننزل نختار علشان خاطر أولادنا، وبعد كده ربنا يولي من يصلح".