السيسي عن فكرة مؤتمرات الشباب: "ماكنتش لاقي طريقة أكلمكم بيها"

كتب- أحمد جمعة​ وأحمد الصعيدي:

قال الرئيس عبد الفتاح السيسي، إن بناء السلام الاجتماعي كان في حاجةٍ لبناء منصات للحوار والتواصل وبناء وعي حقيقي، مشيرًا إلى أن ما حدث من تطور وثورة في وسائل التواصل الاجتماعي مهم إلا أنه حظى ببعض السلبيات، متابعًا: "كان لازم يكون فيه اتصال مباشر بيننا وبين الشباب، نسمع بعض ونتكلم بعض ونقول قضايانا".

وتابع الرئيس السيسي: " كان عندي مشكلة إن الشباب المصري نقي جدًا وقوي جدًا وعنده إقدام شديد على التغيير لكن ماكنش الوضع كويس"، مردفًا: "أنا ماكنتش لاقي السبيل اللي أقدر أكلم بيه شباب مصر، عشان أقولهم الوضع، فقالولي ما تعمل مؤتمر للشباب، والكلام ده كان في أول لقاء عملناه في نوفمبر 2016، والحقيقة نتائجه كانت هائلة وقولنا ما نكمل ونعمل لقاءات متواصلة لشباب مصر، ثم تطور الأمر وعملنا منتدى شباب العالم".

وأكد الرئيس السيسي: "أي إنسان سوي، شاب كان أو مسن، طالما فيه حوار منطقي أو موضوعي، هتلاقي إنه هيتحاوب معاك وهيتكلم معاك". ​